सरकारले कोभिड १९ नियन्त्रण तथा रोकथामको कामलाई व्यवस्थित गर्न शनिबारदेखि डाँफेहेल्थडटकम वेबसाइट सञ्चालनमा ल्याएको छ । कोरोना भाइरसका बारेमा सही जानकारी तथा सूचनाहरु उपलब्ध गराउनका नयाँ वेब पोर्टल सञ्चालनमा ल्याइएको हो ।
शनिबारदेखि यो लर्निङ पोर्टल पूर्ण रुपमा सञ्चालनमा आएको छ। डाँफेहेल्थडटकम डाक्टर, स्वास्थयकर्मी तथा स्वास्थ्य क्षेत्रमा आवद्ध धेरै व्यक्तिहरुको कोभिड १९ का बारेमा उत्पन्न जिज्ञासा तथा समस्या समधानका लागि प्रभावकारी हुने अपेक्षा गरिएको स्वास्थ्य मन्त्रालयले जनाएको छ।
आइमार्क डिजिटलसँगको सहकार्यमा सञ्चालनमा ल्याइएको लर्निङ पोर्टल मार्फत सरकारले डाक्टर तथा हेल्थ वकर्सहरुलाई अनलाइन ट्रेनिङको व्यवस्था समेत गर्ने जनाएको छ।