नयाँदिल्ली- भारतमा कोरोना भाइरस संक्रमणबाट मृत्यु हुनेको संख्या १९ पुगेको छ।
संघीय स्वास्थ्य मन्त्रालयका अनुसार देशका विभन्ना भागमा गरी पछिल्लो चौबीस घण्टामा ११० जनामा संक्रमण पुष्टि भएको छ।
योसहित भारतमा कोरोना संक्रमितको संख्या ८३४ पुगेको छ।
विज्ञहरुका अनुसार भारतमा अब संक्रमणको तेस्रो चरण सुरु हुँदै छ। यसलाई कम्युनिटी टन्मिसन अर्थात् सामुदायिक संक्रमण भनिन्छ।
भारतीय स्वास्थ्य मन्त्रालयका अनुसार कोरोना भाइरसविरुद्ध खोप तयार गर्न कम्तीमा १२ देखि १८ महिनासम्म लाग्छ।
भारतमा कोरोना संक्रमण रोक्नका लागि लकडाउन गरिएको आज चौथो दिन हो। लकडाउन गरिएका कारण विश्वकै सबैभन्दा ठूलो रेल सञ्जाल ठप्प छ भने फिल्म उद्योग बलिउड बन्द छ। कैयन् ठूला सहर बन्द हुँदा आर्थिक अवस्था खस्किन थालेको छ।