तीन महिनाअघि चीनबाट सुरु भएको कोरोना भाइरस अहिले २ सयभन्दा बढी देशमा फैलिएको छ। यो भाइरस अहिले दुई युरोपेली मुलुक इटाली र स्पेन तथा अमेरिकामा सक्रिय छ।
२४ घण्टामा नै इटालीमा ९१९ जना र स्पेनमा ७६९ जनाको ज्यान गएको छ। यो संख्या हिजो शुक्रबारको हो। योसँगै कोरोनाबाट मर्नेको संख्या इटालीमा ९ हजार १ सय ३४ पुगेको छ। पूरा इटाली बन्द छ, मानिसहरु आफ्नो घरमा कैद छन्। तैपनि त्यहाँ संक्रमण रोकिएको छैन। त्यहाँ कोरोना संक्रमितको कुल संख्या ८६ हजार ५ सय छ।
युरोपमा इटालपछि स्पेन सबैभन्दा पीडित छ। त्यहाँ ६४ हजार ५९ जना संक्रमित छन्। त्यहाँ हिजो शुक्रबार एकैदिन ७ सय ६९ जनाको ज्यान गयो। त्यहाँ अहिलेसम्म ४ हजार ८ सय ५८ जनाको ज्यान गइसकेको छ। त्यहाँ १२ अप्रिलसम्मका लागि आपतकाल र लकडाउन घोषणा गरिएको छ।
शुक्रबार फ्रान्समा पनि २९९ जनाको ज्यान गएको छ। त्यहाँ मर्नेको कुल संख्या १९ सय ९५ पुगेको छ। फ्रान्समा १५ अप्रिलसम्म लकडाउन घोषणा गरिएको छ।
बीबीसी