कोरोनापीडित मुलुकको संख्या दुई सय नाघ्यो

कोरोना भाइरस (कोभिड १९) बाट प्रभावित देशको संख्या दुई सय नाघेको छ। तीन महिनाअघि चीनबाट सुरु भएको भाइरस २०१ मुलुकमा फैलिएको विश्व स्वास्थ्य संगठनले जनाएको छ। यो संख्या संयुक्त राष्ट्र संघका सदस्य मुलुकभन्दा बढी हो। राष्ट्र संघमा १९३ मुलुक सदस्य छन्।

विश्व स्वास्थ्य संगठनका अनुसार शुक्रबारसम्ममा कोरोना भाइरसबाट मर्नेको संख्या २३ हजार ४ सय ९५ पुगेको छ भने ५ लाख १२ हजार ७ सय १ संक्रमित छन्।

अन्य विभिन्न स्रोतहरुले भने मृतक र संक्रमितको संख्या अझ धेरै दाबी गरेका छन्। जस्तो वर्ल्डओमिटरका अनुसार २७ हजार ३ सय ४१ जनाको मृत्यु भएको छ भने ५ लाख ९५ हजा ५ सय ९२ संक्रमित छन्।