भैरहवा । रुपन्देहीको सिद्धार्थनगर नगरपालिकाले स्थापना गरेको कोरोना भाइरस नियन्त्रण राहत कोषमा अष्ट्रेलियामा अध्ययनरत बन्दिता काफ्लेले एक लाख ११ हजार रुपैयाँ सहयोग गरेकी छन् । काफ्लेको सहयोगले विदेशमा रहेका अन्य नेपालीलाई राहत कोषमा सहयोग गर्न उत्प्रेरणा प्रदान गर्ने नगरपालिकाका प्रमुख हरि प्रसाद अधिकारीले बताए ।
यसैगरी राहत कोषमा नगरका प्रमुखले २१ हजार, उपप्रमुखले १५ हजार र वडाध्यक्षहरुले १० हजारको दरले रकम जम्मा गरेको नगरका प्रमुख प्रशासकीय अधिकृत तुलसीराम मरासिनिले बताए ।
सिद्धार्थनगरमा १३ वटा वडा रहेका छन् । सिद्धार्थनगरको बिहीबारको नगर कार्यपालिका बैठकले कोरोना भाइरस नियन्त्रण राहत कोष स्थापना गरेको थियो । उक्त कोषमा नगरले ११ लाख ५१ हजार जम्मा गरेको छ।