काठमाडौं - मोरङ मिक्लाजुङस्थित टाँडीमा बनाइएकाे क्वारेन्टाइनमा ६१ जनालाई राखिएको छ। तीन दिनयता सम्पर्कमा आएका व्यक्तिलाई क्वारेन्टाइनमा राखिएको सेनाको पूर्वी पृतना इटहरीका प्रमुख सेनानी रघुनाथ पौडेलले जानकारी दिए।
विदेशबाट आएका उनीहरू प्रदेश १ का विभिन्न जिल्लाका हुन्। स्थानीय तहले खाेजी गरेर सिफारिस गरेपछि उनीहरुलाई त्यहाँ राखिएको नेपाली सेनाले जनाएको छ।
प्रदेश १ सरकारको गत फागुन २९ गते मन्त्रिपरिषद बैठकबाट पारित कोरोना भाइरसको संक्रमणविरुद्धको कार्ययोजनामा मिक्लाजुङ र सुनसरीको श्रीलंका टापुमा क्वारेन्टाइन बनाउने निर्णय गरेको थियो। क्वारेन्टाइननेपाली सेना र प्रदेश सरकारले तयार पारेको हाे।