ललितपुर– १८ वर्षीया किशोरीलाई जबरजस्ती करणी गरेको अभियोगमा ललितपुर प्रहरीले दुई जनालाई पक्राउ गरेको छ।
दाङ दंगीशरण गाउँपालिका–३ घर भइ हाल ललितपुर महालक्ष्मी नगरपालिका–८ लुभु बस्ने २८ वर्षीय प्रकाश चौधरी र निरज चौधरीलाई प्रहरीले पक्राउ गरेको हो।
उनीहरूले किशोरीलाई शनिबार साँझ महालक्ष्मी नगरपालिका–९ लामाटारमा जबरजस्ती करणी गरेको उजुरीका आधारमा पक्राउ गरिएको प्रहरीले जनाएको छ।