कास्की- भारतबाट फर्किएर कास्कीको रुपा गाउँपालिकाको क्वारेन्टाइनमा बसेका एक व्यक्तिको मृत्यु भएको छ ।
१२ दिनअघि भारतबाट फर्किए पनि मंगलबारबाट मात्रै क्वारेन्टाइनमा राखिएका रुपा गाउँपालिकाका ५० वर्षीय विश्ववन्धु नेपालीको बुधबार दिउँसो मृत्यु भएको हो ।
भारतको हैदरावादबाट फर्किएका उनी बुधबार बिहान खाना खाएर सुतेका थिए । अबेरसम्म पनि नउठेपछि नेपालीलाई पोखरा स्वास्थ्य विज्ञान प्रतिष्ठानस्थित पश्चिमाञ्चल क्षेत्रीय अस्पतालमा उपचारका लागि लैजादैँ गर्दा मृत्यु भएको गाउँपालिकाका अध्यक्ष नवराज ओझाले नेपाल समयलाई जानकारी दिए ।
ओझाका अनुसार मृतक नेपालीमा मुटु तथा कलेजोको समस्या थियो । उनले नियमति रुपमा पाँच प्रकारको औषधी खादै आएका थिए । उनमा कोरोनाको कुनै लक्षण देखिएको थिएन ।
नेपालीमा कोरोना संक्रमणको लक्षण नदेखिए पनि भारतबाट फर्किएका कारण मंगलबारदेखि क्वारेन्टाइनमा राखिएको थियो ।