पाकिस्तानमा ३ पत्रकारलाई कोरोना संक्रमण

पाकिस्तानमा ३ जना पत्रकारलाई कोरोना भाइरसको संक्रमण भएको छ। दुईवटा निजी सञ्चारमाध्यमका पत्रकारलाई कोरोना पोजेटिभ पुष्टि भएको हो। लाहोरमा कार्यरत ती पत्रकारको नाम भने खुलाइएको छैन।

पाकिस्तानी मिडियामा कार्यरत पत्रकारहरुको संस्थाले अन्य तीनजना पनि संक्रमित भएको दाबी गरेको छ। सुरक्षाका उपकरण पर्याप्त नभएकाले पत्रकारहरु संक्रमित भएको भन्दै उसले पत्रकारलाई घरमै बसेर काम गर्न दिन माग पनि गरेको डेली टाइम्सले जनाएको छ।

पाकिस्तानमा अहिलेसम्म १ हजार संक्रमित छन् भने ८ जनाको मृत्यु भएको छ। सार्कमा कोरोना भाइरसबाट सबैभन्दा बढी प्रभावित पाकिस्तान छ।