बेलायती राजकुमार चार्ल्सलाई कोरोना संक्रमण

एजेन्सी- बेलायती राजकुमार चार्ल्सलाई कोरोना भाइरसको संक्रमण भएको छ।

बीबीसीका अनुसार बेलायतको राजदरबारले यस कुराको पुष्टि गरेको छ।

दरबारले जारी गरेको विज्ञप्तिमा भनिएको छ, ‘उहाँमा कोरोना भाइरस संक्रमणको जाँच गर्दा पोजेटिभ देखिएको छ। कोरोनाको सामान्य लक्षण देखिए पनि उहाँको दैनिकी पूर्ववत् छ र स्वास्थ्यलाभ पनि गरिरहनु भएको छ।’

प्रवक्ताका अनुसार उहाँकी श्रीमतीको पनि स्वास्थ्य परीक्षण गरिएकोमा संक्रमण देखिएन।

दुबै जना स्कटल्याण्डस्थित घरमै आइसोलेशनमा रहेका छन्।

बेलायती राजकुमार चार्ल्सले केही दिनअघि एउटा भेटघाटमा हात नमिलाई नमस्कार गरेको भिडियो भाइरल बनेको थियो।