बुटवल– कोरोना भाइरस (कोभिड–१९) संक्रमणको आशंकामा भैरहवाको भीम अस्पताल भर्ना भएका दुई जनाको रिपोर्ट ‘नेगेटिभ’ देखिएको छ।
गत शनिबार भर्ना भएका रूपन्देहीका १० वर्षीय बालक र प्युठानका २० वर्षीय युवकको रिपोर्ट ‘नेगेटिभ’ देखिएको अस्पतालले जनाएको छ।
अस्पतालले कोरोनाको आशंकामा भर्ना भएका दुवै बिरामीको स्वाबको नमुना परीक्षणका लागि काठमाडौंको टेकुस्थित राष्ट्रिय जनस्वास्थ्य प्रयोगशाला पठाइएको थियो।
हालसम्म कोरोना संक्रमणको आशंकाका दुई जना मात्रै उपचारका लागि अस्पताल भर्ना भएको अस्पताललले जनाएको छ।