बुधबार, जेठ १४, २०७७

समाचार

स्रोत नखुलेको ९ लाख रुपैयाँसहित एक भारतीय पक्राउ

1576042846pakrau-nsss.jpg

सप्तरी - सप्तरीको हनुमाननगर नगरपालिका-१४ कोसी बलार भन्ने ठाउँबाट स्रोत नखुलेको नगद ९ लाख रुपैयाँसहित एक भारतीय नागरिक पक्राउ परेका छन्।

भारत सुपौल बथ्नाह गाउँ पञ्चायत–१७ बस्ने २८ वर्षीय फूल कुमार मेहतालाई शनिबार दिउँसो प्रहरीले नगदसहित पक्राउ गरेको हो।

प्रहरी चौकी रामपुर मल्यनियाँबाट खटिएको प्रहरीले नेपालतर्फ आउँदै गरेका उनलाई जाँच गर्ने क्रममा उनको साथमा रहेको तरकारी बोक्ने झोलाभित्र उक्त नगद फेला पारेको हो। यस सम्बन्धमा थप अनुसन्धान भइरहेको प्रहरीले बताएको छ।

प्रतिक्रिया दिनुहोस्