लकडाउन घोषणा गर्दै मोदीले भने– २१ दिन संयम रहन सकेनौं भने देश २१ वर्ष पछि धकेलिन्छ

भारतीय प्रधानमन्त्री नरेन्द्र मोदीले मंगलबार राति १२ बजेदेखि २१ दिनका लागि देशभर पूर्ण लकडाउनको घोषणा गरेका छन्। मोदीले देशका नाममा सम्बोधन गर्दै लकडाउनको घोषणा गरेका हुन्। यो एक किसिमले कर्फ्यु नै भएको भन्दै उनले जनतालाई सचेत पनि गराएका छन्।

उनले कोरोनाबाट बच्न घरबाट बाहिर ननिस्कन र भौतिक दूरी कायम गर्न आह्वान गरेका छन्।

जनतालाई २१ दिन संयम रहन आग्रह गर्दै उनले २१ दिन संयम नरहे देश २१ वर्ष पछि धकेलिन सक्ने बताएका छन्। ‘म प्रधानमन्त्री हैन, तपाईंको परिवारको एक सदस्यको नाताले भन्छु– २१ दिन घरबाट बाहिर निस्कन बिर्सनुस्। जहाँ हुनुहन्छ त्यहीँ रहनुस्,’ मोदीले भने।