कोरोनाका कारण सेनाको घोडे जात्रा समारोह स्थगित

काठमाडौं- कोरोनाको महामारी फैलिएसँगै नेपाली सेनाले घोडे जात्र समारोह २०७६ स्थगित गरेको छ ।

कोरोना संक्रमको जोखिमलाई मध्यनजर गर्दै घोडेजात्रा समारोह स्थगित गर्ने निर्णय गरेको सेनाले जनाएको छ ।

काठमाडौं उपत्यकामा मनाइने ऐतिहासिक पर्वको रुपमा रहेको घोडेजात्राको दिन नेपाली सेनाले समेत विशेष समारोह आयोजना गर्ने गर्छ । हरेक वर्षको चैत्र कृष्णपक्षको औंसीका दिन घोडे जात्रा पर्व मनाउने गरिन्छ ।

तर, यस वर्ष सरकारले कोरोना भाइरस संक्रमणको जोखिम कम गर्ने भन्दै मंगलबारदेखि नै देशव्यापी रुपमा निषेधाज्ञा जारी गरेको छ ।