कतार एयरवेजबाट आएका दुई व्यक्तिको धुलिखेलमा उपचार

काठमाडौं - कतार एयरवेजकाे विमानबाट चैत ४ गते काठमाडौं आएका बनेपा नगरपालिका- २ का सरोज दाहाल नगरपालिकाको सम्पर्कमा आएका छन्।
उनी धुलिखेल अस्पतालमा स्वास्थ्य परीक्षणपछि घरमै सेल्फ क्वारेन्टाइनमा रहेको बनेपा नगरपालिकाका प्रेस संयोजक लक्ष्मण तिमल्सिना जानकारी दिए।

यस्तै सोही विमानमा नेपाल आएका धुलिखेल काभ्रे भन्ज्याङका अर्का एक व्यक्ति पनि धुलिखेल अस्पतालको सम्पर्कमा आएर उपचार गराइरहेका छन्। उनकाे परिचय खुलाइएकाे छैन।

सोही विमानमा आएकी एक युवतीलाई कोरोना संक्रमण भएको पुष्टि सोमबार स्वास्थ्य मन्त्रालयले गरेको थियो। अहिले ती युवतीको शुक्रराज ट्रपिकल सेन्टरमा उपचार भइरहेको छ भने उनका परिवारलाई पनि उच्च स्वास्थ्य निगरानीमा राखिएको छ।