धनगढी– बलात्कार प्रयासको आरोप लागेका सुदूरपश्चिम प्रदेश सभाका सदस्य अक्कलबहादुर रावल धरौटीमा रिहा भएका छन्।
कैलाली जिल्ला अदालतका न्यायाधीश जयानन्द पनेरूको इजलासले रावललाई ५ लाख धरौटीमा रिहा गर्न आदेश दिएको सूचना अधिकारी नरबहादुर नेगीले जानकारी दिए।
रावलविरुद्ध धनगढीकी एक महिलामाथि बलात्कार प्रयासको अभियोग छ।
आफूविरुद्ध प्रहरीमा उजुरी परेपछि रावलले २१ फागुनमा आत्मसमर्पण गरेका थिए। उनी सत्तारुढ दल नेकपाका प्रदेश सभा सचेतकसमेत हुन्।