देशभर पानी पर्ने सम्भावना, यस्तो छ तीन दिनको मौसम

काठमाडौं– आज (साेमबार) अपराह्नदेखि उपत्यकासहित देशका धेरैजसो स्थानमा क्षणिक वर्षाको सम्भावना रहेको जल तथा मौसम पूर्वानुमान महाशाखाले जनाएको छ।

पश्चिमी वायु र स्थानीय वायुको प्रभावले देशभर आंशिकदेखि सामान्य बदली भई पानी पर्ने महाशाखाको भनाइ छ।

प्रिमनसुनसँगै स्थानीय वायु सक्रिय भएकाले अपराह्नपछि बदली भई वर्षा भएको वरिष्ठ मौसमविद् निराजन सापकोटाले बताए। उनका अनुसार प्रिमनसुनको समय भएकाले पहाडी भूभागको मौसम अपराह्नपछि परिवर्तन भइरहन्छ।

प्रिमनसुनको प्रवृत्ति दिनमा घाम लाग्ने र अपराह्न तथा साँझपख मेघगर्जनसहित क्षणिक वर्षा हुने मौसमविद्को भनाइ छ। मार्चदेखि सुरु हुने प्रिमनसुन मेसम्म चल्छ।

मंगलबार : पश्चिमी भूभागमा सामान्य बदली रही पश्चिम पहाडी भूभागका केही स्थानमा मेघगर्जन चट्याङसहित क्षणिक वर्षाको सम्भावना।
बुधबार : पहाडी भूभागमा आंशिक बदली रही बाँकी भूभागमा मौसम सफा रहने । -रासस