बुधबार, जेठ १४, २०७७

समाचार

माछा मार्ने क्रममा युवकको मृत्यु भएपछि ३ जना पक्राउ

159003948898083589_630750894177865_88054.jpg

धनगढी– माछा मार्ने क्रममा करेन्ट लागेर युवकको ज्यान गएपछि कैलालीमा प्रहरीले ३ जनालाई पक्राउ गरेको छ।

रातिको समय कुलोमा करेन्ट छोडेका कारण युवकको मृत्यु भएको भन्दै प्रहरीले करेन्ट छोड्ने ३ जनालाई पक्राउ गरेको हो।

पक्राउ पर्नेमा टीकापुर नगरपालिका १ ज्योतिनगरका ३८ वर्षीय डम्मर बहादुर राजी, ३६ वर्षीय शेर सिंह लुहार र ५६ वर्षीय भाने साउँद छन्।

उनीहरुले जेठ ५ गते राति जानकी गाउपालिका १ दुर्गौली स्थित बिजुलिया कुलो र नदीमा बिजुलीको तारबाटा करेन्ट प्रवाह गरी माछा मार्ने क्रममा स्थानीय २१ वर्षीय प्रकाश चौधरीलाई करेन्ट लागि मृत्यु भएको थियो।

तीनै जनालाई कैलाली जिल्ला अदालतबाट सात दिनको म्याद थपेर अनुसन्धान थालेको प्रहरी नायव उपरीक्षक दक्ष कुमार बस्नेतले जानकारी दिए।

 

 

 

 

प्रतिक्रिया दिनुहोस्