मुक्तिनाथ र कागबेनी प्रवेशमा रोक

पोखरा– प्रसिद्ध तीर्थस्थल मुक्तिनाथ र कागबेनी प्रवेशमा रोक लगाइएको छ।

कोरोना भाइरस संक्रमण जोखिमका कारण मुस्ताङको मुक्तिनाथ मन्दिर र श्राद्धस्थल कागबेनी प्रवेशमा तीर्थालुलाई रोक लगाउने निर्णय मुक्तिनाथ विकास समितिले गरेको हो। निर्णय सोमबारदेखि लागू हुनेछ।

अर्को सूचना जारी नभएसम्मका लागि मुक्तिनाथ दर्शन र कागबेनी श्राद्धस्थल प्रवेशमा रोक लगाइएको मुक्तिनाथ विकास समितिका अध्यक्ष एवम् मुस्ताङका प्रमुख जिल्ला अधिकारी वेदप्रकाश अर्यालले जानकारी दिए।