काठमाडौं- विश्वव्यापी महामारीको रुपमा फैलिएको कोरोना भाइरसबाट शनिबार मात्रै १ हजार ६६३ जनाको मृत्यु भएको छ ।
वर्डओमिटरका अनुसार कोरोना अहिलेसम्म १८८ देशमा फैलिएको छ भने ३२ हजार ५५७ जना नयाँ संक्रमित थपिएका छन् । नयाँ संक्रमित र ज्यान गुमाउनेको संख्या सबैभन्दा धेरै इटालीमा छ ।
इटालीमा शनिबार मात्रै ६ हजार ५५७ जना नयाँ संक्रमित थपिएका छन् भने एकै दिनमा ७९३ जनाको मृत्यु भएको छ । शुक्रबार ५ हजार ९८६ जना संक्रमित थपिएका थिए भने ६२७ जनाको मृत्यु भएको थियो ।
इटालीमा कोरोनाबाट ज्यान गुमानेको संख्या ४ हजार ८२५ पुगेको छ । जुन कोरोना उत्पती भएको देश चीनमा भएको मृत्यु भन्दा १ हजार ६०९ ले बढि हो । चीनमा अहिलेसम्म कोरानाबाट ३ हजार २१६ जनाको मृत्यु भएको छ ।
इटालीमा अहिलेसम्म ५३ हजार ५७८ जनामा कोरोना पुष्टि भएको छ । जसमध्ये ६ हजार ७२ मात्रै निको भएका छन् भने ४२ हजार ६८१ जना उपचाररत छन् ।
वर्डओमिटरका अनुसार इटालीपछि अमेरिकामा नयाँ संक्रमण दर उच्च छ ।
अमेरिकामा बितेको २४ घण्टामा ७ हजार ३०३ जनामा संक्रमण देखिएको छ भने ८४ जनाको मृत्यु भएको छ । अहिलेसम्म अमेरिकामा संक्रमितको संख्या २६ हजार ६८६ पुगेको छ । मृत्यु हुनेको संख्या भने ३४० छ ।
तिब्र संक्रण फैलिने देशको तेस्रोमा नम्बरमा स्पेन देखिएको छ । शनिबार मात्रै ३ हजार ९२५ जना संक्रमित हुँदा २८५ जनाको मृत्यु भएको छ । अहिलेसम्म स्पेनमा २५ हजार ४९६ जना संक्रमित भएका छन् भने १ हजार ३७८ जनाको मृत्यु भएको छ ।
कोरोना भाइरसबाट अहिलेसम्म विश्वभर ३ लाख ७ हजार ६२७ जना संक्रमित भएका छन् भने १३ हजार ५० जनाको मृत्यु भएको छ । ९५ हजार ७९७ जना उपचारपछि घर फर्किएका छन् ।