आइतबार, जेठ १८, २०७७

समाचार

प्रहरीमाथि हातपात गरेकाे आराेपमा  वडाध्यक्षका छोरासहित दुई पक्राउ

सिन्धुपाल्चोक- प्रहरीमाथि हातपात गरेकाे आराेपमा पाँचपोखरी थाङपाल गाउँपालिका–४ मानेखर्कका अध्यक्ष रामबहादुर लामाका छोरासहित २ जना पक्राउ परेका छन्। पक्राउ पर्नेमा अध्यक्ष लामाका छाेरा आकाश र सोही ठाउँका वकिल परियार छन्। 

लकडाउनका बेला गाउँका एक व्यक्तिले चलाएको मोटरसाइकल समाएको विषयमा उनले प्रहरी सहायक निरीक्षक दीप तामाङमाथि हातपात गरेका थिए।

पक्राउ परेका दुवैजनालाई इलाका प्रहरी कार्यालय मेलम्चीमा राखी अनुसन्धान अगाडि बढाएको प्रहरी निरीक्षक फलबहादुर तामाङले बताए। लामा गाउँकै स्वास्थ्यचौकीमा अहेव हुन्। 

ढुंगा लागेर घाइते भएका तामाङको मानेखर्क स्वास्थ्य चाेकीमा उपचार भइरहेको छ। 

प्रतिक्रिया दिनुहोस्