काठमाडौं– परराष्ट्रमन्त्री प्रदीप ज्ञवाली र भारतीय परराष्ट्रमन्त्री एस. जयशंकरबीच टेलिफोन वार्ता भएको छ।
दुई मन्त्रीबीच खाद्यान्नलगायत अत्यावश्यक सामग्रीको सहज आयात–निर्यातका लागि छलफल भएको परराष्ट्र मन्त्रालयले जनाएको छ।
सीमानाकामा आवात–जावत गर्नेहरूको स्वास्थ्य जाँचमा कडाई गर्ने विषयमा पनि कुराकानी भएको जनाइएको छ।
नेपाल सरकारले खाद्यान्नको अभाव नरहेको र आपूर्ति व्यवस्थामा कुनै समस्या नहुने बताउँदै आइरहेको छ।
विश्वव्यापी महामारी कोभिड–१९को जोखिम कम गर्न र नियन्त्रणका लागि दुई देशबीच मिलेर अगाडि बढ्ने विषयमा पनि छलफल भएको परराष्ट्र मन्त्रालयले जनाएको छ।