काठमाडौं– पछिल्लो २४ घण्टामा देशभर १ हजार ६४० जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पीसीआर परीक्षणबाट १ हजार ३४७ जना र एन्टिजेन परीक्षणबाट २९३ जनामा संक्रमण पुष्टि भएको हो।
परीक्षणका १३.८ प्रतिशतमा कोरोना संक्रमण पुष्टि भएको मन्त्रालयले जनाएको छ। २४ घण्टामा जम्मा १३ हजार ४५५ परीक्षण भएको छ। मन्त्रालयका अनुसार २४ घण्टामा २ हजार १६१ जना कोरोना मुक्त भएका छन्।
कोरोनाबाट १० जनाको मृत्यु भएको छ। हालसम्म नेपालमा ८ लाख ५९ हजार ५३५ जनामा कोरोना पुष्टि भएको छ भने उनीहरुमध्ये ७ लाख ३३ हजार १६१ जना संक्रमित संक्रमणमुक्त भएका छन् भने १० हजार ८८९ जनाको मृत्यु भएको छ।