मंगलबार, जेठ १३, २०७७

समाज

माछा मार्ने क्रममा करेन्ट लागेर मृत्यु

1576502828Death.jpg
सांकेतिक तस्बिर

धनगढी- कैलालीमा माछा मार्ने क्रममा करेन्ट लागेर एकजनाको मृत्यु भएको छ।

मृत्यु हुनेमा जानकी गाउँपालिका-१ भुर्साका २१ वर्षीय प्रकाश चौधरीको करेन्ट लागेर मृत्यु भएको प्रहरीले जनाएको छ।

जिल्ला प्रहरी कार्यालय कैलालीका अनुसार कर्णाली नदिबाट आएको नहरमा माछा मार्ने क्रममा करेन्ट लागेर उनको मृत्यु भएको हो।

करेन्ट लागेर बेहोस भएका उनको टीकापुर अस्पतालमा मृत्यु भएको जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले जानकारी दिए।

प्रकाशको मृत्यु पछि सोधपुछका लागि उनीसंगै माछा मार्न गएका स्थानीय २५ वर्षीय हरी चौधरी, २० वर्षीय निराजन चौधरी, २५ वर्षीय देव चौधरी र २२ वर्षीय दिपेश चौधरीलाई नियन्त्रणमा लिइएको प्रहरीले जनाएको छ।

प्रतिक्रिया दिनुहोस्