बुधबार, जेठ १४, २०७७

समाचार

संक्रमित भनिएका पत्रकार र पुस्तक व्यवसायीको परिवारका सदस्यकाे रिपोर्ट नेगेटिभ

1589882158negativeछ.jpg

जनकपुरधाम- कोरोना संक्रमित भनिएका जनकपुरका पत्रकार र पुस्तक व्यवसायीका परिवारका सबै सदस्यको पीसीआर रिपोर्ट नेगेटिभ आएको छ।

राष्ट्रिय प्रयोगशाला टेकुमा गरिएको स्वाब परीक्षणमा उनीहरु सबैको पीसीआर रिपोर्ट निगेटिभ आएको हो।
जनकपुरका पत्रकार र पुस्तक व्यवसायीमा कोरोना संक्रमण पुष्टि भएपछि परिवारका सदस्यहरुको १ जेठमा स्वाब संकलन गरी परीक्षणका लागि राष्ट्रिय प्रयोगशाला टेकु पठाइएको थियो।

जनकपुरधाम–७ स्थित स्वस्तिक अस्पतालको क्वारेन्टिनमा रहेका पत्रकारका बाबु, पत्नी, दुई बच्चा र सालो तथा पुस्तक व्यवसायीका पत्नी र एकजना बच्चाको पीसीआर रिपोर्ट नेगेटिभ आएको नेपाल पत्रकार महासंघ धनुषा शाखाका अध्यक्ष अनिल मिश्रले जानकारी दिए।

यसका साथै स्वस्तिक अस्पतालको क्वारेन्टिनमा रहेका अन्य ६ जनाको पीसीआर रिपोर्ट पनि नेगेटिभ रहेको जनाइएको छ।
वैशाख ३० गते राति स्वास्थ्य तथा जनसंख्या मन्त्रालयले सार्वजनिक गरेको विवरणमा जनकपुरका पत्रकार र पुस्तक व्यवसायीमा कोरोना संक्रमण रहेको बताइएको थियो।

३१ वैशाखमा संक्रमित भनिएका पत्रकार र पुस्तक व्यवसायीलाई प्रादेशिक अस्पतालको आइसोलेसन र परिवारका सदस्यहरुलाई स्वस्तिक अस्पतालको क्वारेन्टिनमा राखिएको थियो ।

 

 

प्रतिक्रिया दिनुहोस्