काठमाडौं– अर्थमन्त्रीसमेत रहेका सूचना सञ्चार तथा प्रविधि मन्त्री डा. युवराज खतिवडाले रसुवा र तातोपानी नाका खोल्ने विषयमा छलफल जारी रहेको बताएका छन्।
सञ्चार मन्त्रालयमा आयोजित पत्रकार सम्मेलनमा बोल्दै खतिवडाले चीनबाट छिट्टै नियमित आपूर्ति हुने बताएका हुन्।
कोभिड–१९ को प्रभावले बजारमा कुनै पनि वस्तुको अभाव नहुने उनको भनाइ छ।
विद्यालय, विश्वविद्यालय, सार्वजनिक स्थल, सिनेमा हल, साँस्कृतिक कार्यक्रमलगायतका गतिविधि बन्द हुनुले अर्थतन्त्रमा ठूलो असर नगर्ने खतिवडाले बताए।
उनले भने, “हामी सबै सुरक्षित छौं, पर्ख र हेरौंका अवस्थामा रहँदारहँदै शिक्षण संस्था बन्द गरिएको हो।”
विश्व स्वास्थ्य संगठनको सल्लाह र अभिभावक तथा नागरिक समाजसँगको परामर्शमा केही समय स्थगित गरिएको भए पनि शैक्षिक क्यालेन्डर नबिगार्ने खतिवडाले बताए।