युवासंघ र तरुण दलका नेता जुवाखालबाट पक्राउ

काठमाडौं - तास खेलिरहेको अवस्थामा खोटाङ प्रहरीले युवासंघ र तरुण दलका जिल्ला नेताहरुलाई पक्राउ गरेको छ। प्रहरीका अनुसार पक्राउ पर्नेमा युवासंघ खोटाङका रसकुमार राई र तरुण दल खोटाङका कोषाध्यक्ष रुपेन्द्र राईलगायत ९ जना रहेका छन्।

खोटाङ प्रहरी प्रमुख डिएसपी बामदेव गौतमले बुधबार राति खोटाङको हलेसीबाट उनीहरुलाई पक्राउ गरिएको जानकारी दिए। उनीहरुको साथबाट ७४ हजार १ सय १० रुपैयाँ बरामद भएको छ। उनीहरु प्रहरीको हिरासतमा रहेका छन्।