लोकसेवाका सम्पूर्ण परीक्षा स्थगित

काठमाडौं- लोकसेवा आयोगले कोरोना संक्रमणको जोखिम बढेको भन्दै सम्पूर्ण परीक्षा स्थगित गरेकाे छ।

आयोगले बिहीबार सूचना जारी गर्दै सुरक्षा संवेदनशीलतालाई ख्याल गरी चैत मसान्तसम्म तोकिएका सम्पूर्ण परीक्षाका कार्यक्रमहरु अर्को सूचना जारी नभएसम्मका लागि स्थगित गरिएको जनाएको छ।

आयोगले चैत मसान्तसम्मका लागि  निजामती सेवा, सुरक्षा निकाय र संगठित संस्थातर्फका लिखित परीक्षा कार्यक्रम तय गरेको थियो।

परीक्षा स्थगित हुँदा करिब ५० हजार परीक्षार्थी प्रभावित भएको आयोगकी प्रवक्ता गीता होमेगाईंले जानकारी दिइन्।