सुनको भाउ तोलामा १५ सयले घट्यो, ७५ हजारमा कारोबार

काठमाडौं- प्रति तोला ८३ हजारमाथि पुगेको सुनको मूल्य लागतार ओरालो लागेको छ ।

बिहीबार सुनको भाउ तोलामा १५ सयले घटेर प्रतितोला ७५ हजारमा कारोबार भएको छ । सुन बुधबार तोलामा एक हजार रुपैयाँ बढेर ७६ हजार पाँच सय रुपैयाँ पुगेको थियो ।

सुनको भाउ बढेर ८३ हजार नाघेको थियो । त्यसपछि क्रमश घटेको सुन बुधबार प्रतितोला एक हजारले बढेको थियो ।

यस्तै चाँदी आज तोलामा ३० रुपैयाँ घटेर तोलाको ६ सय ८० रुपैयाँमा कारोबार भइरहेको छ ।