मकवानपुर र धनुषाबाट १३ लाख भारतीय रूपैयाँसहित तीन पक्राउ

काठमाडौं– मकवानपुर र धनुषाबाट प्रहरीले स्रोत नखुलेको करिव १३ लाख भारतीय रूपैयाँसहित तीन जनालाई पक्राउ गरेको छ।

मकवानपुरमा ९ लाख ९९ हजार भारतीय रूपैयाँसहित दुई तथा धनुषामा तीन लाख भारतीय रूपैयाँसहित एक जनालाई पक्राउ गरेको प्रहरीले जनाएको छ।

हेटौडा उपमहानगरपालिका–१५ बाट भारत, बैरातपुर जिल्ला पैरोसवका ३१ वर्षीय विजय चौधरी र भारत, नहेटीका ३८ वर्षीय शंकर सरकार पक्राउ परेको प्रहरीले जनाएको छ।

इलाका प्रहरी कार्यालय पशुपतिनगरबाट खटिएको प्रहरीले लमहीबाट वीरगंजतर्फ जाँदै गरेको डब्लुबी २३ ई २३३३ नम्बरको बोलेरो गाडी जाँच गर्ने क्रममा गाडीमा सवार उनीहरूलाई भारतीय रूपैयाँसहित पक्राउ गरेको प्रहरीले जनाएको छ।

धनुषा जनकपुर उपमहानगरपालिका–१२ एयरपोर्टबाट २ हजार दरको नोट १ सय ५० थान स्रोत नखुलेको ३ लाख भारतीय रूपैयाँसहित भारत, मुजफरपुरका २० वर्षीय शिवम कुमार पक्राउ परेको प्रहरीले जनाएको छ।