पाकिस्तानमा कोरोना संक्रमण तीन दिनमा तेब्बरले बढ्यो

इस्लामावाद– विश्वभर महामारीरूपमा फैलिएको कोरोना भाइरस (कोभिड–१९)काे संक्रमण दर पाकिस्तानमा पछिल्लो तीन दिनमा तेब्बरले बढेको छ।

गत आइतबारसम्म ५३ जनामा संक्रमण पुष्टि भएकोमा बुधबार बिहानसम्म त्यो संख्या २४७ पुगेको छ। तीमध्ये दुई जना भने उपचारपछि निको भएर घर फर्किएका छन्।

वर्ल्डओमिटरडटकमका अनुसार पछिल्लो २४ घन्टामा त्यहाँ ६३ जना संक्रमित भएका छन्।

दक्षिण एसियामा सबैभन्दा बढी संक्रमित देखिएको पाकिस्तानमा कोरोना संक्रमणबाट एक जनाको ज्यान गइसकेको छ।