शनिबार, जेठ १७, २०७७

समाचार विदेश

रुवान्डा नरसंहारका अभयुक्त फेलिसिन काबुगा फ्रान्समा गिरफ्तार

1589690247kabuga_epa.jpg

एजेन्सी- रुवान्डा नरसंहारका प्रमुख अभियुक्तमध्येका एक फेलिसिन काबुगा फ्रान्समा पक्राउ परेका छन्।

फ्रान्सको कानुन मन्त्रालयले काबुगालाई राजधानी पेरिस नजिकैबाट गिरफ्तार गरेको जनाएको छ। काबुगा फ्रान्समा नक्कली पहिचान बनाएर बसिरहेको पनि मन्त्रालयले उल्लेख गरेको छ।

रुवान्डाका लागि बनाइएको अन्तर्राष्ट्रिय अपराध ट्राइब्यूनलले ८४ वर्षका काबुगामाथि नरसंहार र मानवताविरुद्ध अपराधको आरोप लगाएको छ।

काबुगाले रुवान्डाका हुतु चरमपन्थी समूहलाई आर्थिक सहयोग गरेको पनि आरोप लागेको छ। हुतु चरमपन्थीले सन् १९९४ मा रुवान्डामा भएको जातीय हिंसामा करिब ८ लाखको हत्या भएको थियो ।

गृहयुद्धको पीडाबाट उठेर मुस्काउँदै रुवान्डा

प्रतिक्रिया दिनुहोस्