बुधबार, जेठ १४, २०७७

समाचार

प्रदेश २ : संक्रमित बढेपछि गण्डक अस्पतालमा पनि उपचार

1589679792gandak.jpg

पर्सा- प्रदेश २ मा काेराेना भाइरसबाट संक्रमितकाे संख्या बढेपछि गण्डक अस्पतालमा पनि उपचार व्यवस्था मिलाइएकाे छ।

वीरगन्जको गण्डकस्थित गण्डक हस्पिटलमा आजदेखि कोरोना भाइरस संक्रमितको उपचार गराइने हस्पिटलका सञ्चालक रहबर अन्सारीले बताए। अहिले वीरगन्जकाे नारायणी अस्पतालमा एक सय जना कोरोना संक्रमितकाे उपचार भइरहेकाे छ। प्रदेश २ मा संक्रमितकाे संख्या बढ्दाे छ।

वीरगन्ज महानगरपालिका, स्वास्थ्य तथा जनसंख्या मन्त्रालयका प्रतिनिधि र गण्डक हस्पिटलका सञ्चालक रहबर अन्सारीको समन्वयमा उक्त हस्पिटलमा कोरोना भाइरस संक्रमितको उपचार व्यवस्था सम्भव भएको हो।

लामो प्रयासपछि गण्डक हस्पिटललाई नारायणी अस्पतालले नै सहजीकरण गर्ने गरी सञ्चालन गरिएको वीरगन्ज महानगरका मेयर विजय सरावगीले जानकारी गराए।

नारायणी अस्पतालका चिकित्सक, पारामेडिकल स्टाफ, नर्सिङलगायतले संक्रमितको निगरानी तथा उपचारमा सघाउछन्। सरागबगीले भने, 'गण्डक हस्पिटलमा ६५ जनासम्मको उपचार गर्न सक्ने व्यवस्था गराएका छौं।' 

 

 

प्रतिक्रिया दिनुहोस्