साढे २३ लाख बराबरको बेवारिसे सामान बरामद

पर्सा- पर्सा प्रहरीले बेवारिसे अवस्थामा साढे ३ हजार किलोग्राम छोगडासहित ट्रक नियन्त्रणमा लिएको छ।

वीरगंज उपमहानगरपालिका–१६ मा बेवारिसे अवस्थामा ना५ख ८४८१ नम्बरको मिनी ट्रकमा लोड रहेको २३ लाख ५० हजार मुल्य बराबरको छोगडा नियन्त्रणमा लिएको प्रहरीले जनाएको छ।

उक्त छोगडा चोरी निकासी गरी भारततर्फ लैजाँदै गरेको भन्ने सूचनाका आधारमा प्रहरी टोली पुग्दा बेवारिसे अवस्थामा भेटिएको प्रहरीले जनाएको छ।

नियन्त्रणमा लिएको उक्त ट्रकसहित छोगडा प्रहरीले आवश्यक कारवाहीको लागि राजश्व अनुसन्धान कार्यालय पथलैया बारामा बुझाएको जनाएको छ।