काठमाडौं - नेपाली सेनाले यसवर्षको घोडेजात्रा समारोहमा विशिष्ट तथा अन्य पाहुनाहरुलाई सहभागी नगराउने निर्णय गरेको छ।
सेनाले सोमबार प्रेस विज्ञप्ति जारी गर्दै कोरोना भाईरस (कोभिड-१९) का कारण यस वर्षको घोडेजात्रा समारोह नेपाली सेनाले परम्परालाई कायम राख्ने उद्देश्यका साथ आन्तरिक रुपमा सीमित व्यक्तिहरुको उपस्थितीमा आयोजना गर्ने निर्णय भएको जानकारी दिएको छ।
'नेपाल सरकारले सभा, सम्मेलन, भेला, कार्यक्रम नगर्न आव्हान जारी गरेसँगै उक्त भाइरसको जोखिमलाई मध्येनजर गरि यस वर्षको घोडेजात्रा समारोहमा विशिष्ट तथा अन्य पाहुनाहरुलाई सहभागी नगराउने निर्णय गरिएको छ।', विज्ञप्तिमा उल्लेख छ। साथै समारोहको प्रत्यक्ष प्रशारण विभिन्न टेलिभिजन च्यानलहरुमार्फत हुने सेनाले जनाएको छ।
यसवर्षको घोडेजात्रा चैत ११ गते परेको छ।