काठमाडौं– विदेशी विनिमय मुद्दामा अदालतबाट जरिवानाको फैसला सुनाइएकी फरार प्रतिवादीलाई प्रहरीले पक्राउ गरेको छ।
नेपाल प्रहरीको केन्द्रीय अनुसन्धान ब्युरोको टोलीले सिन्धुपाल्चोक, भोटेकोशी गाउँपालिका–३ की ३७ वर्षीया साङ्डोमा शेर्पालाई स्वयम्भुबाट पक्राउ गरेको हो।
उनलाई भक्तपुर जिल्ला अदालतमा पेश गरिएको र जरिवानाबाफतको कैद सजाय भुक्तानीका लागि केन्द्रीय कारागार पठाइएको ब्युरोले जनाएको छ।
सिन्धुपाल्चोक जिल्ला अदालतले २०७१ साउन २० गते शेर्पाविरुद्ध विदेशी विनिमय मुद्दामा ६८ लाख ६२ हजार ४ सय १३ रूपैयाँ जरिवानाको फैसला सुनाएको थियो। त्यसको केही समयपछि उनी फरार भएकी थिइन्।