सोमबार, साउन २६, २०७७

अर्थ

विदेशबाट आएकालाई उद्योग क्षेत्रमा परिचालन गरिने

1589539463rastrapati.jpg

काठमाडौं– सरकारले विदेशबाट रोजगारी गुमाएर फर्किएकाहरूलाई उद्योग क्षेत्रमा परिचालन गर्ने भएको छ।

सरकारको नीति तथा कार्यक्रम प्रस्तुत गर्दै राष्ट्रपति विद्यादेवी भण्डारीले विदेशबाट फर्किनेहरूलाई निर्माण र औद्योगिक क्षेत्रमा परिचालन गरिने बताएकी हुन्।

आगामी वर्ष स्वदेशमा समेत रोजगारीका अवसर खुम्चिने भएकोले कृषिको व्यावसायिकरण र निर्माण क्षेत्र प्राथमिकतामा परेको नीति तथा कार्यक्रममा जनाइएको छ।

‘दक्ष श्रमिक, कामको सम्मान, उचित पारिश्रमिक सरकारको श्रम नीति’ अन्तर्गत सरकारले व्यापक रोजगारी र अवसर सिर्जना गर्ने उल्लेख छ।

सीप भएकालाई उद्यम गर्न सुरुवाती पुँजी उपलब्ध गराउने, प्रविधि हस्तान्तरण गर्ने र बजारीकरणसँग जोड्न सघाउने भनिएको छ।

सुरूवाती पूँजी उपलब्ध गराउन शैक्षिक प्रमाणपत्र धितो राखिनेछ।

प्रतिक्रिया दिनुहोस्