बुधबार, जेठ १४, २०७७

समाचार

सीमामा अलपत्रलाई गौरीफन्टा नाकाबाट भित्र्याइँदै

1589536139gaurifanta.jpg

धनगढी - सीमावर्ती भारतीय सहर पलियाको क्वारेन्टाइनमा रहेका तथा अलपत्र परेका नेपालीलाई आजै गौरीफन्टा नाका भएर नेपाल भित्र्याइने भएको छ। करिब डेढ महिना देखि क्वारेन्टाइनमा रहेका नेपालीलाई स्वदेश ल्याउने तयारी भएको जिल्ला प्रशासन कार्यालय कैलालीले जनाएको छ।

सहायक प्रमुख जिल्ला अधिकारी मोहनराज जोशीले नेपालीहरु भित्र्याउने तथा सुरक्षित रुपमा घरसम्म पुर्‍याउने बारे छलफल भैरहेको जानकारी दिए। ‘सीमामा अलपत्रहरुको विवरण संकलन गर्ने काम भैरहेको छ’, जोशीले भने, ‘सीमामा स्वास्थ्य परीक्षण गर्ने तथा सुरक्षित रुपमा कसरी घरसम्म पुर्‍याउने भन्ने विषयमा छलफल भैरहेको छ।’

जोशीका अनुसार पलियाको क्वारेन्टाइनमा चार सय ७२ जना रहेको तथ्यांक छ। क्वारेन्टाइनवाहेक अलपत्र अवस्थामा अरु पनि हुन सक्ने अनुमान छ। सीमामा अनिवार्य स्वास्थ्य परीक्षण गरिने र घर पठाउन सम्बन्धित स्थानीय तहसँग समन्वय गरिने जोशीले जानकारी दिए। पलियामा रहेकामा सुदूरपश्चिमवाहेक अन्य प्रदेशका नागरिकसमेत रहेको बुझिएको छ।

प्रतिक्रिया दिनुहोस्