पोखरा- १८ औँ संस्करणको आहा रारा गोल्डकप फुटबलको उपाधि मनाङ मर्स्याङ्दी क्लबले जितेको छ।
शनिबार भएको फाइनलमा नेपाल पुलिस क्लबलाई टाइ ब्रेकरमा ४–३ गोल अन्तरले पराजित गर्दै मनाङले छैटौं पटक उपाधि उचालेको हो।
पोखरा रंगशालामा ९० मिनेट र थपिएको ३० मिनेटको खेल गोलरहित बराबरीमा सकिएको थियो। त्यसपछि टाइब्रेकरमा मनाङले बाजी मार्यो।
टाइब्रेकरमा पुलिसका भोला सिलवाल, हेम तामाङ र बुद्ध बलले गोल गरे भने मनाङका अञ्जन विष्ट, पुजन उपरकोटी, सुरज विक र रञ्जन विष्टले गोल गरे।
पुलिसका गोलरक्षकले मनाङको दोस्रो पेनाल्टी रोकेका थिए तर मनाङका गोलरक्षक अजित बरालले पुलिसका तेल तामाङको बल पनि रोके।