पोखरा - १८ औं संस्करणको आहा रारा गोल्डकप फुटबलको उपाधिका लागि आज (शनिबार) नेपाल पुलिस क्लब र मनाङ मर्स्याङ्दी क्लबबीच प्रतिस्पर्धा हुने भएको छ। खेल पोखरा रंगशालामा दिउँसो २ बजेदेखि सुरु हुने छ।
नवौं पटक प्रतियोगिताको फाइनल यात्रा तय गर्ने क्रममा पुलिसले थ्री स्टार क्लबलाई ३-० ले पराजित गरेको थियो भने मनाङ आर्मीलाई ३-१ ले पराजित गर्दै फाइनल प्रवेश गरेको हो। पुलिसले ६ पटक प्रतियोगिताको उपाधि जितेको छ भने मनाङले ५ पटक उपाधि जितेको छ ।
फाइनलअघिको पत्रकार सम्मेलनमा दुवै टोलीका प्रशिक्षकले खेल आफूले जित्ने दाबी गरे।
प्रतियोगिताको उपाधि जित्ने टोलीले १० लाख एक हजार तथा उपविजेताले पाँच लाख एक हजार नगद प्राप्त गर्नेछ।