पाल्पा - चैत ६ गतेबाट १७ गतेसम्म सञ्चालन हुने यस वर्षको माध्यमिक शिक्षा परीक्षा (एसईई) दिनबाट पाल्पामा ४८ विद्यार्थी वञ्चित हुने भएका छन्। परीक्षा आवेदन फाराम भरे पनि विविध कारणले ती विद्यार्थी परीक्षामा सहभागी हुन नपाउने भएका हुन्। परीक्षामा पाल्पाबाट पाँच हजार ६८ विद्यार्थी सहभागी हुँदैछन्। नियमिततर्फ चार हजार ८९६ र ग्रेडवृद्धितर्फ २१६ विद्यार्थी परीक्षामा सहभागी हुन लागेका शिक्षा विकास तथा समन्वय इकाई कार्यालय पाल्पाका प्रमुख रमेशराज पौडेलले बताए।
उनका अनुसार जिल्लाका सबै स्थानीय तहमा २५ परीक्षा केन्द्र तोकिएको छ। प्रत्येक केन्द्रमा १५ सुरक्षाकर्मी परिचालन गरिने छ। सबै स्थानीय तहमा उत्तरपुस्तिका पुगिसकेको छ।