प्रधानमन्त्री ओली साँझ डिस्चार्ज हुने

काठमाडौं– प्रधानमन्त्री केपी शर्मा ओली साँझ ६ बजे डिस्चार्ज हुँदै छन्। ओलीलाई पूर्ण स्वास्थ्य लाभ भएकाले डिस्चार्ज गर्न लागिएको त्रिवि शिक्षण अस्पतालले जनाएको छ।

मिर्गौला प्रत्यारोपणका लागि भर्ना भएका ओली १० दिनपछि डिस्चार्ज हुन लागेका हुन्।

‘प्रधानमन्त्रीज्यूलाई उहाँको पूर्ण स्वास्थ्यलाभपछि आज साँझ शिक्षण अस्पतालबाट डिस्चार्ज गरिने भएको छ’, अस्पतालका कार्यकारी निर्देशक प्रेमकृष्ण खड्गाद्वारा जारी विज्ञप्तिमा जनाइएको छ।

फागुन १९ गते भर्ना भएका प्रधानमन्त्री ओलीको २१ गते मिर्गाैला प्रत्यारोपण गरिएको थियो। प्रधानमन्त्रीलाई मिर्गाैला दिएकी उनकी भान्जी नाता पर्ने समीक्षा संग्रौला भने डिस्चार्ज भइसकेकी छन्।