कपिलवस्तु - कपिलवस्तु जिल्ला अदालतका एकजना दोभासे २ लाखसहित पक्राउ परेका छन्। करारमा कार्यरत दोभासे विश्वनाथ कुर्मी (चौधरी) लाई अख्तियार दुरुपयोग अनुसन्धान आयोगको टोलीले घुससहित पक्राउ गरेको हो।
ठगी मुद्दामा सहजीकरण गरिदिने प्रयोजनको लागि सेवाग्राहीसँग २ लाख रुपैयाँ घुस लिएको सूचनाका आधारमा आयोगको बुटवल कार्यालयबाट खटिएको टोलीले चौधरीले नियन्त्रणमा लिएको प्रवक्ता प्रदीपकुमार कोइरालाले जानकारी दिए।
चौधरीलाई रकमसहित कपिलवस्तु नगरपालिका-१ स्थित महामाया प्रेस गौढीचोक, तौलिहवाबाट बिहीबार नियन्त्रणमा लिई अनुसन्धान भैरहेको अख्तियारले जनाएको छ।