कोरोना आशंकामा दुई नेपाली भारतीय सीमामा रोकिए

काठमाडौं– धनुषाको खजुरी महुवाका दुई युवा कोरोना भाइरसको आशंकामा नेपाल–भारत सीमामा रोकिएका छन्। भारतको अहमदाबादबाट नेपाल फर्किने क्रममा विहारको मधुवानी जिल्लास्थित जयनगरमा चेकजाँचको क्रममा उनीहरुमा कोरोना देखिएको आशंका गरिएको छ।

उनीहरुलाई भारतीय पक्षले धनुवनीस्थित सदर अस्पतालमा राखेको छ। लाइभ हिन्दुस्तानका अनुसार उनीहरुलाई डाक्टरको निगरानीमा राखिएको छ भने १४ दिनको क्वारेन्टाइन निगरानीपछि नेपाल पठाइनेछ।