ओखलढुंगा- वीरगन्जबाट रुम्जाटार जाँदै गरेको जिप ओखलढुंगामा दुर्घटना हुँदा १२ जना घाइते भएका छन् ।
प्रदेश ३–०१२२ च ३१८३ नम्बरको जिप ओखलढुंगाको मानेभन्ज्याङ गाउँपालिका ४ केतुकेमा सडकदेखि १ सय ५० मिटर तल खस्दा १२ जना घाइते भएका हुन् । घाइतेमध्ये २ जनाको अवस्था गम्भीर रहेको प्रहरीले जनाएको छ ।
बिहीबार (आज) बिहान भएको दुर्घटनामा परि गम्भीर घाइते हुनेहरुमा जिप चालक पर्सा जिल्लाका अनिलकुमार सहनी र सुगन्भीदेवी मुखिया छन्।
अन्य घाइतेहरुको अवस्था सामान्य रहेको प्रहरीले जनाएको छ । दुर्घटनाको कारण भने खुल्न सकेको छैन् ।