कमल थापाले गीतामा हात राख्दै भने, 'पार्टी कहिल्यै फुटाउँदिन'

काठमाडौं - राष्ट्रिय प्रजातन्त्र पार्टीका अध्यक्ष कमल थापाले गीतामा हात राख्दै पार्टी कहिल्यै नफूटाउने बाचा गरेका छन्।

बुधबार राष्ट्रिय सभागृहमा आयोजित राप्रपा र राप्रपा (संयुक्त) बीचको एकता कार्यक्रमलाई सम्बोधन गर्दै अध्यक्ष थापाले पार्टी नफुटाउने कसम खाएका हुन्। 'म आज तपाईंहरुलाई राष्ट्रियसभागृहमा उपस्थित सम्पूर्ण कार्यकर्ता, देश र विदेशबाट हेरिरहनुभएका साथीहरु, विदेशमा रहेर पार्टीलाई माया गर्ने साथीहरुलाई साक्षी राखेर प्रतिज्ञा गर्दछु, म कहिल्यै पनि पार्टी फुटाउने छैन,' थापाले भने।

थापाले खल्तीबाट गीता निकाल्दै अगाडि भने, 'तपाईंहरुलाई विश्वास लागेनरु मैले गीता ल्याएको छु। यो गीता हातमा राखेर कसम खान्छु कि राप्रपालाई कदापी फुट्न दिने छैन।'