टिप्परको ठक्करबाट महिलाको ज्यान गयो, आफन्तले गरे राजमार्ग अवरुद्ध

नेपालगन्ज– बाँकेको कोहलपुरमा टिप्परको ठक्करबाट महिलाको ज्यान गएपछि आक्रोशित स्थानीय र आफन्तले कोहलपुर–नेपालगन्ज सडक अवरुद्ध पारेका छन्।

कोहलपुर नगरपालिका–९, झन्डहवा चोकमा रा१ख २१८८ नम्बरको टिप्परको ठक्करबाट ४२ वर्षीया रामपति थारूको ज्यान गएपछि उनीहरुले सडक अवरुद्ध पारेका हुन्।

इलाका प्रहरी कार्यालय, कोहलपुरका प्रमुख प्रहरी नायब उपरीक्षक कुलदीप चन्दले टिप्परको ठक्करबाट घाइते रामपतिको नेपालगन्ज मेडिकल कलेज, कोहलपुरमा पु¥याउनेबित्तिकै ज्यान गएको जानकारी दिए। उनका अनुसार रामपति साइकलमा मेडरोडबाट घरतर्फ गइरहेको बेला शाखा रोडबाट मेनरोडतर्फ आइरहेको टिप्परले ठक्कर दिएको थियो।

रामपतिको मृत्युपछि आक्रोसित स्थानीयले ठक्कर दिने टिप्परमा आगो लगाउन खोजेको प्रहरीले जनाएको छ। टिप्पर र चालकलाई नियन्त्रणमा लिएको प्रहरीले जनाएको छ।

स्थानीयले टायर बालेर सडक अवरुद्ध गरेपछि आवतजावतमा समस्या भएको छ।