शनिबार, जेठ १७, २०७७

समाचार

गुणस्तरहीन राहत चामल आपूर्तिकर्ता ठाकुर ट्रेडलिंकलाई २ लाख जरिबाना

धनगढी- धनगढी उपमहानगरपालिकाले वडा नं ४ मा गुणस्तरहीन चामल वितरण गर्ने ठाकुर ट्रेडलिंकलाई २ लाख जरिबाना गरेको छ।

वितरित चामल परीक्षण गर्दा गुणस्तरहीन पाइएपछि चामल आपूर्तिकर्ता उक्त कम्पनी कारबाहीमा परेको हो।

चामलमा किरा भेटिएको भन्दै स्थानीयले गुनासो गरेपछि उपमहानगरपालिकाले छानबिनका लागि सम्बन्धित निकायसँग अनुरोध गरेको थियो।

वाणिज्य आपूिर्त तथा उपभोक्ता संरक्षण कार्यालय धनगढी कैलालीका निरीक्षक कमलबहादुर पुन मगरले छानबिनपछि उपभोक्ता संरक्षण ऐन २०७५ को दफा ३८ को खण्ड (ङ) बमोजिम कसुर देखिएकाले चामल आपूर्तिकर्ता फर्म ठाकुर ट्रेडलिंकलाई २ लाख जरिबाना गरिएको बताए।

खाद्य प्रविकि तथा गुण नियन्त्रण कार्यालयको परीक्षणमा पनि कैफियत देखिएमा थप कारबाह िअगाडि बढाइने धनगढी उपमहानगरपालिकाका बजार अनुगमन अधिकृत योगेन्द्र चन्दले बताए।

प्रतिक्रिया दिनुहोस्