शाैचालयमा बेहोस भएका नेपालीको कोरियामा मृत्यु

धनकुटा- वैदेशिक रोजगारीको सिलसिलामा दक्षिण कोरिया पुगेका एक नेपालीको मृत्यु भएको छ।

मंगलबार बिहान शौचालयमा बेहोस भेटिएका राईको उपचारका क्रममा कोरियाको सोल सिटीस्थित छनान अस्पतालमा मृत्यु भएको हो ।

धनकुटा नगरपालिका–७ डाँडागाउँका ५४ वर्षीय उत्तरकुमार राईको स्वास्थ्य अवस्था सामान्य रहेपनि शौचालयमा बेहोस अवस्थामा भेटिएका थिए।

बेहोस उनलाई कोरियामा रहेका नेपालीहरुले अस्पतालसम्म पुर्याएका थिए । तर, अस्पताल लगेको केही समयमै मृत्यु भएको कोरियामा रहेका नेपालीहरुले बताएका छन् ।

करिब १० वर्षअघि कोरिया गएका राईको मृत्युको कारण खुल्न सकेको छैन।