सोमबार, साउन २६, २०७७

समाज

लकडाउनमा २४३ पत्रकारले निःशुल्क कपाल कटाए

1589207916s1.jpg
‘सञ्चारकर्मीको निःशुल्क कपाल काटौँ’ अभियान अन्तर्गत राष्ट्रिय समाचार समितिका अध्यक्ष हरिहर अधिकारी ‘श्यामल’ कपाल कटाउँदै ।

लकडाउनका कारण सैलुन बन्द भएपछि मिडिया मिसन नेपालले सञ्चालन गरेको ‘सञ्चारकर्मीको निःशुल्क कपाल काटौँ’ अभियान अन्तर्गत विभिन्न सञ्चारगृहमा क्रियाशील २४३ ले सेवा लिएका छन्।

नेपाल पत्रकार महासङ्घ काठमाडौँ शाखाको समन्वयमा यही वैशाख १७ गतेदेखि सोही परिसरबाट शुरु भएको उक्त कार्यक्रम लकडाउन अवधिभर जारी रहने बताइएको छ ।

संस्थाका अध्यक्ष टेकनाथ न्यौपानेले लकडाउनका कारण सैलुन बन्द भएपछि सञ्चारकर्मीले कपाल काट्न नपाएको खबर पाएपछि सञ्चार गृहका साथीहरुको अनुरोधमा कार्यालयमै गई कपाल काटेर सहयोग गर्ने अभियान शुरु गरेको बताए।

लकडाउनले अति आवश्यक सेवा क्षेत्र सामान्य सावधानीपूर्वक खुल्ला गरिएको छ भने सैलुनलगायत अन्य क्षेत्रलाई बन्द गरिएकाले त्यसको प्रभाव परेको छ ।

 

प्रतिक्रिया दिनुहोस्