धनगढी– कञ्चनपुरको पुनर्वासमा दुईवटा मोटरसाइकल एकआसपमा ठोक्किँदा एकजनाको ज्यान गएको छ। दुर्घटनामा ३ जना घाइते भएका छन्।
जिल्लाको पुनर्वास नगरपालिका–८ ‘क’ गाउँमा आज दिउँसो से ४ प ६९६६ नम्बरको मोटरसाइकल र म २ प ५२२ नम्बरको मोटरसाइकल एकआपसमा ठोक्किँदा १६ वर्षीय दिनदयाल रानाको मृत्यु भएको प्रहरीले जनाएको छ।
इलाका प्रहरी कार्यालय त्रिभुवन वस्तीका प्रहरी निरीक्षक वकिल बहादुर सिंहका अनुसार मृतक म २ प ५२२ नम्बर मोटरसाइकलका चालक हुन्।
से ४ प ६९६६ नम्बर मोटरसाइकलका चालक पुनर्वासको बीचफाँटाका १८ वर्षीय धर्मेन्द्र सुनार गम्भीर घाइते भएका छन्। उनलाई सेती प्रादेशिक अस्पताल धनगढीले थप उपचारका लागि कोहलपुर मेडिकल कलेज रेफर गरेको छ।
अन्य घाइतेमा ‘च’ गाउँका अर्जुन राना र कैलालीको गोदावरीका अनिल लामिछानेको धनगढीमै उपचार भैरहेको छ।