इलाम- मछिन्द्र क्लबले इलामको माइभ्याली गोल्डकपको उपाधि जितेको छ।
आयोजक माइभ्याली फुटबल क्लबलाई अतिरिक्त समयमा १–० ले पराजित गर्दै ए डिभिजन लिग विजेता मछिन्द्रले पहिलो पटक माइभ्यालीको उपाधि जितेको हो।
निर्धारित ९० मिनेटसम्म गोल नभएपछि खेल लम्बिएको थियो। थपिएको समयमा मिडफिल्डर आन्दरेस सिलवाले गोल गरेपछि मछिन्द्रले अग्रता लिएको थियो।
थप समयमा सिलवालले गरेको गोल नै खेलको निर्णायक गोल बन्यो र मछिन्द्रले गोल्डकपको उपाधि जित्यो।
मछिन्द्र क्लबले माइभ्यालीमा पहिलोपटक सहभागीता जनाएको थियो। यसका साथै मछिन्द्र माइभ्याली जित्ने नयाँ टिम भएको छ।
पहिलेको शृंखलामा झापा ११, थ्रीस्टार र क्यामरुनी क्लब दा फिन्सले जितिसकेका छन्।
विजेता बन्दै मछिन्द्रले ८ लाख पुरस्कार पाएको छ भने आयोजक माइभ्याली क्लबले ५ लाख पुरस्कार पाएको छ।